Арнайы көтеріңкі арынды консольді-моноблокты КМ 100-100-200 Е электр сорғысы

Мақсаты

Электр сорғысы температурасы минус 40-тан плюс 50 °С-қа дейінгі, тұтқырлығы 100 сСт-қа дейінгі, құрамындағы қатты өлшенген бөлшектердің мөлшері 0,2%-дан аспайтын және өлшемі 0,2 мм-ден аспайтын мұнай өнімдерін, авиациялық отынды және химиялық сұйықтықтарды айдауға арналған.

Электр сорғысы ГОСТ 15150-69 бойынша У климаттық орындалымында, орналастыру санаты 2 болып шығарылады. Суық климатты аймақтарда пайдалану үшін ХЛ орындалымында, орналастыру санаты 2 болып жасалуы мүмкін (минус 60-тан плюс 40 °С-қа дейін).

Электр сорғысының конструкциясында дірілді, бак-сыйымдылықтағы салқындатқыш сұйықтық деңгейін және мойынтіректер температурасын бақылау датчиктерін орнатуға арналған орындар қарастырылған. Электр сорғысы корпусының арынды келтеқұбырында «құрғақ жүріс» датчигін орнататын орын бар. Корпустың кіріс және шығыс фланецтерінде қысымды мановакуумметр мен манометрге жеткізетін бұру түтіктеріне арналған бұрандалы тесіктер, сондай-ақ айдалатын сұйықтық температурасын бақылау датчигін орнататын тесік бар. Сорғы корпусының кіріс және шығыс келтеқұбырлары ГОСТ 12815-80 стандартына сәйкес Ру 16 кгс/см² қысымына арналған қарсы фланецтерге жалғанатындай етіп жасалған.

Бұйымның құрамы

• Қос шетжақтық тығыздағыш.
• Шетжақтық тығыздағыш торабына салқындатқыш (жапқыш) сұйықтықты жеткізу жүйесі.
• Манометр және мановакуумметр.
• Экологиялық науасы бар тірек жақтау.
• Қарсы фланецтер жиынтығы.
• «Іске қосу», «Тоқтату», «Апаттық тоқтату» түймелері бар басқару посты.

Тапсырыс берушінің талабы бойынша электр сорғысы сорғы агрегатын автоматтандыруға арналған мына жабдықтармен қосымша жинақталуы мүмкін:

• датчиктер жиынтығы;
• ақпарат жинау контроллері;
• басқару контроллері;
• басқару шкафы;
• арынды және сору келтеқұбырларына арналған компенсаторлар, бекіту арматурасы.